كالوا اهل الشعر
اذا باعك بشر صدكني لتضوج
الفخر للمشتري والعار للباعك
:
واني بغيابك ميت و مقهور
وحدب شوف عيني من فراكك

همومي صارت مثل بيت الاحزان
واموت من الالم وحسرة اغيابك

تدري ليش صاير حساس ومغتاظ
لان جرحي انت و مفتاح لبابك

مو كلمن يفارك كالوا راح يموت
وآنه اطب بالقبر يكولي القبر اشجابك

الماخذك مني اتصورة سبع وغشيم
لان مادرة بيك خاين غدار بطباعك

كبر جرحي بعد ماتفيده الخيوط
من تعاين اعلي ابين آثار انيابك

بعتني ابسوك والشرايه بس الشمات
بس آنه افتخر بين الناس واكول :
زهير ما باعك